Azərbaycan, Bakı, 7 dekabr /Trend, müxbir H.Vəliyev /
Azərbaycan Rabitə və İnformasiya Texnologiyaları Nazirliyinin "Bakı Telefon Rabitəsi" İstehsalat Birliyi CDMA şəbəkəsində məlumatların verilməsinin ötürücülük qabiliyyətini artıracaq. Bu barədə Trend-ə İB-nin baş direktoru Beytulla Huseynov deyib.
Onun sözlərinə görə, birliyin əsas məqsədi abunəçilərə xidmətlərin daha çox genişləndirilmiş siyahısının verilməsidir ki, məlumatların ötürülməsi xidməti onlardan biridir.
"Bu məqsədlə şəbəkənin müasirləşdirməsini həyata keçirmək planlaşdırılır ki, bu da internetin ötürmə qabiliyyətini indiki 100 Kbit/saatdan 1 Mbit/saata qədər artırmağa icazə verəcək", - Huseynov bildirib.
CDMA-ın simsiz şəbəkə infrastrukturunun yenilənməsi məsələsi şəbəkənin inkişafının növbəti mərhələsidir, çünki bu gün operatorlar tərəfindən istifadə edilən CDMA 2001X şəbəkəsi köhnəlmiş hesab edilir. Səs xidməti və məlumatların ötürülməsi xidmətinin təkmilləşdirilməsi simsiz CDMA şəbəkəsinin inkişafının növbəti mərhələsi olacaq.
Şəbəkə infrastrukturunun təkamülü qaçılmazdır. Çünki yeniliklər məhsulları hər il daha da universal olan İT-avadanlıqılarının istehsalçıları tərəfindən diktə edilir. Bu, öz növbəsində, keyfiyyətin yaxşılaşmasına və operatorlar tərəfindən göstərilən xidmətlərin siyahısının artımına müsbət təsir edir.
