Azərbaycan, Bakı, 27 mart /Trend, müxbir H.Vəliyev/
Mərkəzləşdirilmiş avtomatlaşdırılmış radiomonitorinq şəbəkəsi (MARŞ) üçün avadanlıq sınaq mərhələsindədir. Bu barədə Trend-ə çərşənbə günü Rabitə və İnformasiya Texnologiyaları Nazirliyinin Dövlət Radiotezliklər İdarəsindən məlumat veriblər.
İdarədən verilən məlumata görə, ümumi dəyəri 7 milyon manat olan avadanlıqlar 2013-cü ilin sonuna kimi MARŞ-ın Bakı və Abşeron yarımadasında yerləşən məntəqələrində quraşdırılacaq.
Monitorinq şəbəkəsinin qurulması layihəsi çərçivəsində Bakının Yeni Günəşli və Mehdiabad qəsəbələrində, həmçinin Gəncədə radiomonitorinqanın mərkəzləşdirilmiş sisteminin üç məntəqəsi fəaliyyət göstərəcək.