Azərbaycan, Bakı, 13 may /Trend, müxbir H.Vəliyev/
Azərbaycan Milli Elmlər Akademiyasının (AMEA) İnformasiya Texnologiyaları İnstitutu (İTİ) Kimya Problemləri İnstitutunu "AzScienceNet" elmi kompyuter şəbəkəsinə qoşub. Bu barədə Trend-ə bazar ertəsi İTİ-dən verilən məlumatda bildirilir.
İnformasiya Texnologiyaları İnstitutundan bildiriblər ki, İTİ tərəfindən bu istiqamətdə aparılan işlər nəticəsində Kimya Problemləri İnstitutunun lokal kompyuter şəbəkəsi tamamilə intellektual kommutator bazasında yaradılıb və fiber optik xətlərin köməkliyi ilə elmi şəbəkəyə qoşulub. Bu, institutun əməkdaşlarına "AzScienceNet" şəbəkəsinin resurs və xidmətlərindən istifadə etməyə icazə verib.
Yaxın vaxtlarda AMEA-nın institutları və idarə sturukturları "buludlu hesablamalar" xidmətinə (" Cloud computing") giriş əldə edəcəklər.
