...

Azərbaycan bazarında mobil qurğu satışı üzrə liderlər müəyyənləşib

Telekommunikasiya Materials 18 Yanvar 2014 14:23 (UTC +04:00)

Azərbaycan, Bakı, 18 yanvar /Trend, müxbir H.Vəliyev/

2013-cü ildə Azərbaycanın mobil qurğular bazarında Finlandiyanın "Nokia" şirkətinin payı 32,97 faizdən çox azalıb. Trend-in məlumatına görə, bu barədə şənbə günü "Global Stats" Statistika Mərkəzinin yaydığı məlumatda deyilir.

2012-ci illə müqayisədə azalma 37,01 faiz təşkil edib. 2014-cü il yanvarın 1-nə olan vəziyyətə görə, bu şirkətin telefonlarının Azərbaycan bazarında payı 31,54 faizdir. 2013-cü ilin dekabrında Azərbaycan bazarında "Nokia"nın payının xeyli azalması (13,17 faiz) şirkətin ölkənin mobil qurğular bazarında birinciliyi itirməsinə səbəb olub.

"Global Stats"ın məlumatına görə, hesabat dövrü ərzində Azərbaycanın mobil qurğular bazarında Koreyanın "Samsung" şirkətinin payı 65,52 faiz artaraq mobil qurğuların satışı üzrə "Nokia"nı geridə qoyub və Azərbaycanda mobil qurğuların populyarlığı üzrə birinci yerdə qərarlaşıb. "Samsung"un bazar payı 36,58 faizdir. 2012-ci ilin analoji dövrü ilə müqayisədə "Samsung"un bazar payı 73,20 faiz artıb.

2013-cü ildə Azərbaycan bazarında "Apple" şirkətinin mobil qurğularının payı 27,25 faiz artaraq 12,89 faiz təşkil edib ki, bu da 2012-ci ilin analoji göstəricisini 48,5 faiz üstələyir. "Apple" qurğuları Azərbaycanın mobil telefonlar bazarında III yeri tutur. 9,22 faiz payla naməlum istehsalçıların mobil qurğuları (Çin istehsalçıları üstünlük təşkil edirlər) dördüncü yerdə qərarlaşıb.

Daha sonra mobil qurğular bazarında Blackberry - 2,76 faiz, Sony - 2,12 faiz, HTC - 2,35 faiz, Huawei - 1,51 faiz , LG - 0,65 faiz, və Google - 0,12 faiz pay tutur.

Məqalədə:
Xəbər lenti

Xəbər lenti