Azərbaycan, Bakı, 5 fevral /Trend, müxbir H.Vəliyev/
Gürcüstan hökuməti Azərbaycanda tətbiq edilən "ASAN imza"ya bənzər mobil elektron imza sisteminin ölkədə tətbiq edilməsi imkanlarını nəzərdən keçirir. Bunu çərşənbə günü Trend-ə Azərbaycan-Estoniya Ticarət Palatasının sədri, "B.E.S.T. Solutions" şirkətinin təsisçisi Yana Krimpe deyib.
Azərbaycanda mobil elektron imza platformasının texniki baxımdan qurulması sistem inteqratoru funksiyasını yerinə yetirən "B.E.S.T. Solutions" şirkətinə tapşırılıb.
Xanım Y.Krimpe qeyd edib ki, hazırda "ASAN imza"ya bənzər texnologiyanın tətbiq edilməsi imkanlarının qiymətləndirilməsi məqsədilə Gürcüstan hökuməti ilə əməkdaşlığa başlamaq haqqında razılıq əldə olunub.
