Azərbaycan, Bakı, 5 aprel /Trend, müxbir H.Vəliyev/
Rabitə və Yüksək Texnologiyalar Nazirliyinin Tədqiqat Mərkəzinin alimləri bioloji nanotexnologiyalardan istifadə etməklə zədələnmiş göz əsəb hüceyrələrinə dərman preparatlarının məqsədli çatdırılması metodlarını işləyib hazırlayıblar. Bu barədə şənbə günü Trend-ə mərkəzdən məlumat veriblər.
Mərkəzdən deyildiyi kimi, söhbət görmənin bərpasına müsbət təsir edən gözün əsəb hüceyrələrinə nanoçubuq vasitəsilə təsir barədə elmi işdən gedir. Tədqiqat mərkəzi tərəfindən elmi təcrübələr aparılıb və bu sahədə müsbət nəticələr əldə edilib. İşlərin əsas məqsədi göz xəstəliklərinin qarşısının vaxtında alınması və müalicəsidir.
Yeni metodun üstünlüyü ondan ibarətdir ki, dərman preparatı sağlamlığa zərər vurmadan bilavasitə zədələnmiş hüceyrəyə çatdırılır.
Tədqiqatın aparılması üçün porfir nanoçubuqlar və təcrübələr üçün lazım olan laboratoriya nümunələri alınıb.