...

İyulda ULTRA şirkəti Panasonic texnologiyası üzrə yeni NEXUS noutbuklarını təqdim edəcək

Telekommunikasiya Materials 27 May 2006 12:20 (UTC +04:00)

İyulun əvvəlində ULTRA şirkəti Panasonic texnologiyası üzrə yeni NEXUS noutbuklarını təqdim edəcək. Bu barədə Trend ə şirkətin baş direktoru Tahir Mirkişili məlumat verib.

Noutbuk istehsalı ULTRA və Panasonic arasında 2006-cı ilin martında Yaponiyada imzalanmış saziş üzrə həyata keçirilir.

Şirkətin başçısı qeyd edib ki, yeni notbukların əsas üstünlüyü əvvəlki məhsullarla müqayisədə yüngül olmasından (cəmi 800 qr) ibarətdir. Bu qurğular 2 prosessordan ibarət olacaq. Bu noutbukların köməyi ilə videokonfranslar keçirmək mümkün olacaq. T.Mirkişili noutbukların qiymətinin 1200 dollaradək olacağını bildirib.

ULTRA Azərbaycanın İT bazarında 1999-cu ildən fəaliyyət göstərir və ölkədə personal kompüterlər üçün ehtiyat hissələrinin ən iri tədarükçülərindən biridir. Şirkətin prioritet istiqaməti bazara yeni texnologiyalı məhsullar çıxarmaqdır.

Xəbər lenti

Xəbər lenti