2006-cı ilin yanvar - may aylarında Rabitə və İnformasiya Texnologiyaları Nazirliyi tərəfindən 71906 nömrə istismara verilib. Dövlət qurumundan Trend ə verilən xəbərə görə, ümumi istismara verilmiş nömrələrdən 48044-ü Bakı Telefon Rabitəsi İB-nin, qalan 23862 nömrə isə Aztelekom İB-nin payına düşüb.
2006-cı ildə Rabitə və İnformasiya Texnologiyaları Nazirliyi yalnız Bakı şəhər telefon şəbəkəsində köhnə 461/462/463, 466/467, 468/469/460 ATS-lərin təkmilləşdirilməsi ilə 121 mindən çox nömrəni istismara vermək, əhaliyə və müəssisələrə rabitə sahəsində 152 milyon manat məbləğində xidmət göstərmək, dövlət büdcəsinə 26,3 milyon manat, Sosial müdafiə fonduna isə 8,1 milyon manat keçirmək fikrindədir. Bu müddət ərzində 25 milyon manat həcmində sərmayə qoyuluşu proqnozlaşdırılır.
2005-ci ildə Rabitə və İnformasiya Texnologiyaları Nazirliyi bütün respublika üzrə 164 185 telefon nömrəsini istimara verib, bu isə 2004-cü ilin göstəricisi ilə müqayisədə 42 611 nömrə çoxdur.
