...

Azərbaycana gələn turistlər əsasən hansı əraziləri gəzirlər? (ÖZƏL)

Turizm Materials 9 Yanvar 2018 20:27 (UTC +04:00)
Azərbaycana gələn turistlərin sayının artmasına təsir edən əsas amil ölkəmizdə mövcud olan sabitlikdir.
Azərbaycana gələn turistlər əsasən hansı əraziləri gəzirlər? (ÖZƏL)

Trend-i buradan izləyin

Bakı. Elçin Mehdiyev - Trend:

Azərbaycana gələn turistlərin sayının artmasına təsir edən əsas amil ölkəmizdə mövcud olan sabitlikdir.

Bunu özəl olaraq Trend-ə Azərbaycan Turizm Assosiasiyası sədrinin müşaviri Müzəffər Ağakərimov deyib.

M.Ağakərimov bildirib ki, turistlərin özlərinin də dediyi kimi onları bura gətirən digər bir səbəb isə Azərbaycan xalqının tolerant və qonaqpərvər olmasıdır:

"Digər amil ölkədə gözəl turizm insfrastrukturunun yaradılmasıdır. Dördüncü amil isə Azərbaycanda yeni turizm növlərinin meydana çıxmasıdır".

O qeyd edib ki, dövlətin turizmə göstərdiyi dəstək, sadələşdirilmiş viza rejiminin tətbiq olunması ölkəyə çoxlu turist cəlb edir.

Onun sözlərinə görə, turistlər daha çox Abşeron yarımadası və Bakı şəhərini gəzməyə üstünlük verirlər: "Turistlər Azərbaycan regionlarını, o cümlədən Şamaxı, Qəbələ, Şəki, Quba, Qusar, Xaçmazı da görmyə maraqlıdırlar. Çünkü regionlarda da gözəl turizm infrastrukturu yaradılıb, gözəl hotellər fəaliyyət göstərir.

M.Ağakərimov bildirib ki, Azərbaycana gələn turistlər əsasən mədəni istirahət növünü seçirlər: "Onlar tarixi abidələr ilə tanış olurlar, ekskursiyalara gedirlər, sonra istirahətə üstünlük verirlər".

Məqalədə:
Xəbər lenti

Xəbər lenti