Azərbaycan, Bakı, 30 oktyabr / Trend /
ABŞ Senatının Bank Komitəsi İran ilə ticarətin bundan sonrada məhdudlaşdırılması və bu ölkəyə təmiz neft məhsulları almağa kömək edən şirkətlərə sanksiyaların tətbiq edilməsini nəzərdə tutan qanun layihəsini yekdilliklə təsdiqləyib. Bloomberg xəbər verir.
Komitənin sədri, demokrat senator Kristofer Dodd bütün Senatı bu qanun layihəsinə səs verməyə çağırıb.
Çərşənbə günü Nümayəndələr Palatasının Xarici İşlər Komitəsi (ABŞ Konqresinin aşağı palatası) İranın neft sektorunun təchizatı, yük daşımaları, məsləhətləşmə və maliyyələşdirilməsi ilə məşğul olan şirkətlərə sanksiyaların qoyulmasını nəzərdə tutan buna bənzər qanun layihəsini təsdiqləyib.