Gürcüstan, Tbilisi, 7 iyun /Trend, müxbir N.Kirsxaliya/
NATO-nun qapıları həmişə olduğu kimi Gürcüstan üçün açıqdır. Bu sözləri alyansın baş katibi Anders Foq Rasmussen deyib.
O, Brüsseldə mətbuat konfransında keçirilməsi planlaşdırılan nazirlərin görüşü barəda danışıb və bildirib ki, Gürcüstanın müdafiə naziri ilə görüşməyi planlaşdırır. Alyansın lideri bir daha Gürcüstanın suverenliyi və ərazi bütövlüyünü dəstəklədiyini deyib. O qeyd edib ki, NATO Gürcüstana islahatların keçirilməsində köməklik göstərməyə davam edəcək. NATO ölkələrinin müdafiə nazirlərinın yığıncağı iyunun10-11-də Brüsseldə baş tutacaq.