Azərbaycan, Bakı, 24 dekabr /Trend/
Hindistanın Assam ştatında Bodolend Milli Demokratik Cəbhəsi (BMDC) qruplaşmasından olan yaraqlıların hücumları nəticəsində ən azı 56 nəfər ölüb, 80-dən çox şəxs isə yaralanıb. Bu barədə Trend RİA Novosti-yə istinadən məlumat verib.
Çərşənbə günü yerli polis nümayəndəsinin verdiyi məlumata görə, "indiyə kimi 56 nəfərin öldürüldüyü, daha 80 nəfərin isə yaralandığı məlumdur".
Hindistanın Baş naziri Narendra Modi artıq bu insidentə reaksiya verib və yaraqlıların hücumunu "qorxaqlıq aktı" adlandırıb. Ölkənin daxili işlər naziri Racnath Sinqhin şəxsən Assam ştatına səfər edəcəyi gözlənilir.
Polis hücumun bu regionda Hindistan Silahlı Qüvvələrinin apardıqları xüsusi əməliyyatlara görə qisas olduğunu ehtimal edir.