Azərbaycan, Bakı, 13 fevral /Trend/
Hindistanın cənubunda sərnişin qatarının bir neçə vaqonunun relsdən çıxması nəticəsində beş nəfər həlak olub, ən azı 100 nəfər xəsarət alıb. Bu barədə Trend RİA Novosti-yə istinadən xəbər verib.
İnsident Karnataka ştatının paytaxtı Banqalor şəhərinin yaxınlığında yerli vaxtla səhər saat 07:35-də baş verib.
Dəmiryol nəqliyyatındakı mənbə xəbər verir ki, qatarın 9 vaqonu relsdən çıxıb.
Mənbənin sözlərinə görə, ehtimal ki, dəmir yoluna çay daşı düşüb.