Təfərrüatlar əlavə olunub (ilk xəbər saat 08:55-də yayılıb)
Bakı. Trend:
İlkin ehtimala görə, Yakutiyada "İl-18" təyyarəsinin sərt enişinə səbəb şiddətli külək olub.
Bu barədə Trend RİA Novosti-yə istinadən məlumat verir.
Yakutiya Respublikası hökumətinin sədr müavini Aleksey Kolodeznikov qəza ilə bağlı komissiya çağırıb.
Təyyarənin göyərtəsində 32 nəfər, o cümlədən 8 ekipaj üzvü olub. Onların hamısı xəsarət alıb. İlkin məlumata əsasən, ölən yoxdur.
X X X
09:10
Yakutiyada "İl-18" təyyarəsinin məcburi enişi nəticəsində 16 nəfər ağır yaralanıb.
Trend-in məlumatına görə, bu barədə RİA Novosti Rusiya Müdafiə Nazirliyinə istinadən xəbər verir.
X X X
Koltsovo hava limanından Yekaterinburqa uçan "İl-18" təyyarəsi qəzaya uğrayıb.
Trend TASS-a istinadən xəbər verir ki, təyyarənin göyərtəsində 32 sərnişin və 7 ekipaj üzvü olub. Təyyarədə hərbçilərin olduğu bildirilir.
Hazırda xəsarət alanlar təxliyə edilir.
X X X
08:55
Rusiyanın Yakutiya şəhərində göyərtəsində 39 sərnişin olan təyyarə qəzaya uğrayıb.
Bu barədə Trend RİA Novosti-yə istinadən xəbər verir.