Bakı. Trend:
Pakistanın Şikarpur şəhərində polis məntəqəsinin yaxınlığında iki silahlı qrup arasında atışma olub.
Trend-in məlumatına görə, hadisə nəticəsində ən azı 13 nəfər ölüb, 20 nəfər yaralanıb. Ölənlər arasında iki qadın və 8 yaşlı qız uşağı da olub.
Yaralılar xəstəxanaya yerləşdirilib.
İnsidentə iki qrup arasında torpaq münaqişəsinin səbəb olduğu bildirilir.