Bakı. Trend:
Londonun şərqində yerləşən yaşayış binasında yanğın baş verib.
Trend-in məlumatına görə, yanğın nəticəsində binanın 30 mənzilinə zərər dəyib, iki nəfər xəsarət alıb.
Məlumata əsasən, yanğın yerli vaxtla saat 15:31-də Barkinq rayonundakı çoxmənzilli yaşayış binasında baş verib.
Hadisə yerinə yanğından mühafizə xidmətinin 15 avtomobili, 100-dən çox yanğınsöndürənlər, polis əməkdaşı və tibb işçiləri cəlb edilib. Yanğından dərhal sonra bütün sakinlər təxliyə olunub.
Yanğın yerli saat 18:04-da lokallaşdırılıb.