Bakı. Trend:
ABŞ-ın Solt-Leyk-Siti şəhərinin polis departamenti polis əməkdaşının sinəsinə bərkidilmiş kamera vasitəsilə cinayətkarın zərərsizləşdirilməsi anının videogörüntüsünü ictimailəşdirib.
Trend-in məlumatına görə, 34 yaşlı Endrü Ceykob Pirs mübahisə zəminində digər şəxsin boğazına bıçaq dirəyib.
Polis əməkdaşları silahları həmin şəxsə tərəf tuşlayaraq bıçağı atmasını tələb edib. Polislərdən biri ani fürsətdən yararlanaraq atəş açıb. Qurban hadisə yerindən uzaqlaşdıqdan sonra daha bir neçə atəş açılıb. E.C.Pirs aldığı yaralardan hadisə yerində ölüb.
Qeyd edək ki, bu hadisə iyulun 25-də baş verib.