Bakı. Trend:
Kanadanın Atlantik vilayətlərinə güclü leysan siklonu yaxınlaşır.
Trend-in məlumatına görə, bu barədə Kanada Milli Hava Bürosu xəbərdarlıq verib.
Noyabrın 21-dən 22-nə keçən gecə Yeni Şotlandiya, Nyu-Brunsvik və Şahzadə Eduard Adasında leysan yağışların başlayacağı gözlənilir. Bu müddət ərzində 100-150 mm yağıntı düşə bilər ki, bu da aylıq normadan artıqdır.
Yağışlar noyabrın 24-nə qədər davam edə bilər. Bundan əlavə, əlverişsiz hava 25 m/s-ə qədər fırtınalı küləklə müşayiət olunacaq.