Bakı. Trend:
Son bir həftə ərzində Liviya sahillərində 969 qanunsuz miqrant xilas edilib və Liviyaya geri qaytarılıb.
Trend-in məlumatına görə, bu barədə Beynəlxalq Miqrasiya Təşkilatından (BMqT) bildiriblər.
""19-25 dekabr tarixləri arasında 969 miqrant dənizdə xilas edilib və Liviyaya geri qaytarılıb", - deyə BMqT-də bildirilib.
Məlumata əsasən, ilin əvvəlindən ümumilikdə 32 425 qanunsuz miqrant xilas edilib, 573 nəfər ölüb, 933 nəfər isə itkin düşüb.