Bakı. Trend:
Norveçin "Equinor" şirkəti ölkənin ərazi sularında yeni neft-qaz yatağı aşkar edib.
Trend-in məlumatına görə, bu barədə şirkətin bəyanatında deyilir.
Qeyd olunur ki, yeni yataq Şimal dənizinin Fram və Troll sahələrində kəşf edilib.
İlkin hesablamalara əsasən, yatağın neft ehtiyatları 25-50 milyon barel, qaz ehtiyatları 4-8 milyon kubmetr səviyyəsində qiymətləndirilir.
Qeyd edək ki, Norveçdə neft və qaz hasilatı 1971-ci ildə başlayıb. Bu gün ölkə Avropa İttifaqının karbohidrogen tələbatının 15 faizini təmin edir.