Bakı. Trend:
ABŞ İsrailin Qəzza zolağından hücumlardan qorunmaq hüququnu dəstəkləyir.
Trend xəbər verir ki, bu barədə ABŞ prezidenti Co Bayden bildirib.
O, İsraillə Qəzzadakı radikallar arasında atəşkəs elan edilməsini alqışlayıb.
"Mən İsrailin öz təhlükəsizliyini, o cümlədən hücumlardan qorunmaq hüququnu uzun müddət və qətiyyətlə dəstəkləmişəm. İsrail öz xalqını raket hücumlarından qoruyub və ABŞ İsrailin "Dəmir Qübbə" sistemini dəstəkləməkdən qürur duyur" - deyə C.Bayden bildirib.