Bakı. Trend:
Yunanıstanın şimalındakı Drama regionunda bir qrup alpinisti ildırım vurub.
Trend-in məlumatına görə, hadisə nəticəsində bir alpinist həlak olub, daha bir nəfər isə ağır xəsarətlər alıb.
Qeyd olunur ki, dörd nəfərdən ibarət alpinistlər qrupu şənbə günündən başlayaraq 2 min metrdən çox hündürlüyü olan altı zirvəni fəth etməyi planlaşdırırdı.
Ötən gün hava şəraiti kəskin pisləşdikdən sonra alpinistləri ildırım vurub. Hadisə yerinə xilasedicilər göndərilib. Xəsarət alan şəxs xəstəxanaya yerləşdirilib.