Bakı. Trend:
İraqın paytaxtı Bağdadda nüfuzlu siyasi xadim Müqtəda əs-Sədrin tərəfdarları etiraz aksiyası keçirərək Respbulika Sarayını mühasirəyə alıb.
Trend-in məlumatına görə, aksiya M.əs-Sədrin siyasi fəaliyyətinə son verməsi barədə açıqlamasından sonra başlayıb.
Qeyd olunur ki, M.əs-Sədr ölkədə mövcud siyasi vəziyyətin dalana dirəndiyini bildirərək siyasətdən uzaqlaşdığını elan edib.
Etirazçılar siyasi və diplomatik qurumların yerləşdiyi "Yaşıl zona"ya daxil olub. Təhlükəsizlik qüvvələri aksiya iştirakçılarının qarşısının alınması üçün su şırnaqlarından istifadə edib.
Xatırladaq ki, M.əs-Sədr tərəfdarları iyulun sonlarında da bir neçə gün etiraz aksiyaları keçirmişdi.