Bakı. Trend:
Türkiyənin şimal-qərbindəki Balıkəsir vilayətində 67 qanunsuz miqrant xilas edilib.
Trend-in məlumatına görə, bu barədə Türkiyə Sahil Mühafizəsi Komandanlığı bildirib.
Məlumata əsasən, Yunanıstan tərəfi miqrantların olduğu üç rezin qayığı beynəlxalq humanitar hüquqa zidd olaraq Türkiyənin ərazi sularına çıxarıb.
Bildirilib ki, Ayvalık rayonu sahillərində sığınacaq axtaran şəxslər xilas edilib.
Müvafiq prosedurlardan keçdikdən sonra bütün qanunsuz miqrantlar miqrasiya işləri üzrə rayon idarəsinə aparılıb.