Bakı. Trend:
Avropa İttifaqı (Aİ) Şurasının Prezidenti Şarl Mişel İsrail və HƏMAS arasında silahlı münaqişə ilə bağlı mövqeyi müzakirə etmək üçün videokonfransda iştirak etməyə dəvət məktubu göndərib.
Trend-in məlumatına görə, məktub Aİ ölkələrinin dövlət və hökumət başçılarına göndərilib. Videkonfransın oktyabrın 17-də keçirilməsi nəzərdə tutulur.
"Terrora heç bir bəraət qazandırmaq olmaz. Biz İsrail xalqı və terror hücumlarının qurbanları ilə tam həmrəyik", - deyə məktubda deyilib.
Ş.Mişelin sözlərinə görə, İsrailin beynəlxalq hüquqa, xüsusən də beynəlxalq humanitar hüquqa uyğun olaraq özünü müdafiə etmək hüququ var.