...

Britaniyada bioloji yanacaqla işləyən təyyarənin ilk uçuşu oldu

Dünya xəbərləri Materials 29 Noyabr 2023 19:17 (UTC +04:00)
Britaniyada bioloji yanacaqla işləyən təyyarənin ilk uçuşu oldu
İnqilab Məmmədov
İnqilab Məmmədov
Bütün xəbərlər

Bakı. Trend:

Böyük Britaniyanın “Virgin Atlantic” aviaşirktinin əsasən yağ tullantılarından hazırlanan aşağı emissiyalı yanacaqla işləyən “Boeing 787” təyyarəsi ilk dəfə olaraq transatlantik kommersiya uçuşunu həyata keçirib.

Trend xarici KİV-ə istinadən xəbər verir ki, Londondan Nyu-Yorka uçan təyyarənin göyərtəsində havaya atılan karbon miqdarını qiymətləndirən tədqiqatçılar, həmçinin, aviaşirkətin üzvləri və siyasətçilər, o cümlədən, Böyük Britaniyanın baş naziri Rişi Sunak olub.

Bioloji yanacağın effektivliyini nümayiş etdirən “Virgin Atlantic” aviaşirkəti istehsalı artırmaq niyyətindədir. Lakin ekoloji fəallar bunun problemli olduğunu düşünürlər. Belə ki, emissiyaları azaltmaq üçün bu tip yanacağı kifayət qədər istehsal etmək çətin prosesdir.

Tədqiqatçılar bioloji tullantılardan uzun məsafələrə gedən yük maşınları, avtobuslar və gəmilər üçün yanacaq istehsalı üzərində də çalışırlar. Bioloji yanacaq ümumi aviasiya yanacağının yalnız 0,1 faizini təşkil edir və London 2030-cu ilədək təyyarə yanacağının on faizini bioloji mənbələrdən əldə etməyi hədəfləyir.

Xəbər lenti

Xəbər lenti