Bakı. Trend:
Bu gün səhər saatlarında Tokio körfəzində 4,8 bal gücündə zəlzələ qeydə alınıb.
Trend-in məlumatına görə, bu barədə Yaponiya Milli Meteorologiya İdarəsi bildirib.
Zəlzələnin episentri Tokio körfəzinin şimal hissəsində, ocağı isə 80 km dərinlikdə yerləşib. Sunami təhlükəsi elan olunmayıb.
Güclü yeraltı təkanlar Tokionun mərkəzinin bütün ərazilərində hiss olunub. Tələfat və dağıntılar barədə məlumat verilməyib.