Bakı. Trend:
Türkiyənin İstanbul şəhərində eyni vaxtda keçirilən “KAFES-40” əməliyyatları zamanı üç ayrı mütəşəkkil cinayətkar dəstə məhv edilib.
Trend xəbər verir ki, bu barədə Türkiyə daxili işlər naziri Ali Yerlikaya “X” hesabında yazıb.
Onun sözlərinə görə, qruplaşma liderləri Emre Özcan, Önder Küçük və Sergen Solak saxlanılıb.
Keçirilən əməliyyatlar zamanı, həmçinin 24 şübhəli ələ keçirilib.