Bakı. Trend:
Türkiyədə son 5 gün ərzində 30 şəhərdə keçirilən “Qalxan-19” əməliyyatları çərçivəsində 1177 immiqrant saxlanıb.
Trend xəbər verir ki, bu barədə ölkənin daxili işlər naziri Ali Yerlikaya rəsmi "X" platformasında paylaşım edib.
O qeyd edib ki, Türkiyənin hər bir bölgəsində qətiyyətlə həyata keçirilən əməliyyatlar nizamsız miqrasiyanın və immiqrant qaçaqmalçılığının qarşısının alınması üçün fasiləsiz olaraq davam edəcək.
"Ölkəmizi qeyri-qanuni miqrasiya üçün hədəf və tranzit marşrutuna çevirməyə çalışan immiqrant qaçaqmalçılarına heç vaxt imkan verməyəcəyik", - nazir əlavə edib.