Bakı. Trend:
Rusiya Federasiyasının İstintaq Komitəsi Leninqrad Hərbi Dairəsi komandirinin maddi-texniki təminat üzrə müavini, general-mayor Valeri Mumindjanova qarşı “Xüsusilə külli miqdarda rüşvət alma” maddəsi ilə cinayət işi açıb.
Trend xəbər verir ki, bu barədə Rusiya İstintaq Komitəsinin mətbuat xidməti məlumat yayıb.
İstintaq Komitəsi hadisənin səbəblərini araşdırarkən onu da müəyyən edib ki, generalın və onun qohumlarının Moskva və Voronejdə ümumi dəyəri 120 milyon rubldan çox olan daşınmaz əmlakları var.
Leninqrad Hərbi Dairəsinin rəis müavini artıq saxlanılıb və araşdırılmalar aparılır.