Bakı. Trend:
Şimali Koreya şimal-şərq istiqamətində bir neçə qısa mənzilli ballistik raketlər buraxıb.
Trend-in məlumatına görə, bu barədə "Yonhap" agentliyi Cənubi Koreya ordusuna istinadən bildirib.
Cənubi Koreyanın Birləşmiş Qərargah Rəisləri Komitəsi çərşənbə günü səhər saat 6:50 radələrində ölkənin cənubundakı Pxenyan əyalətinin Kaeçon bölgəsindən raket buraxılışı qeydə aldığını bildirib.
"Əlavə buraxılışlar ilə bağlı monitorinqimizi və sayıqlığımızı artırmaqla, ordumuz Şimali Koreya ballistik raketləri haqqında məlumatı ABŞ və Yaponiya tərəfləri ilə bölüşəcək və tam hazır vəziyyətdə qalacaq", - deyə ordudan bildiriblər.