Bakı. Trend:
Yəmənin "Ənsar Allah" üsyançı hərəkatından husilər Ədən körfəzində ABŞ Hərbi Dəniz Qüvvələrinin iki esminesinə hücum ediblər.
Trend-in məlumatına görə, bu barədə üsyançıların yaratdığı silahlı qüvvələrin nümayəndəsi Yəhya Sariya bildirib.
Onun sözlərinə görə, husilər "hərbi əməliyyat keçirərək, Cibuti limanını tərk etdikdən sonra Amerikanın üç təchizat gəmisinə hücum ediblər". Yəmənli üsyançılar həmçinin "Ədən körfəzində təchizat gəmilərini müşayiət edən iki ABŞ esminesinə" hücum ediblər.
"Əməliyyat raketlər və pilotsuz uçuş aparatları vasitəsilə həyata keçirilib və <...> məqsədinə uğurla nail olub", - deyə husilərin nümayəndəsi bildirib.