Bakı. Trend:
ABŞ-nin yeni seçilmiş prezidenti Donald Tramp bildirib ki, keçmiş kanadalı xokkeyçi Ueyn Qretski ilə söhbətində ona Kanadanın baş naziri postuna namizədliyini irəli sürməyi təklif edib.
Trend-in məlumatına görə, bu barədə D.Tramp "Truth Social" sosial şəbəkəsində yazıb.
"Mən indicə xokkey dairələrində "böyük biri" kimi tanınan Ueyn Qretski ilə danışdım. Mən dedim: "Ueyn, niyə tezliklə Kanadanın qubernatoru kimi tanınacaq Kanadanın baş naziri postuna namizədliyini irəli sürmürsən, hətta kampaniya aparmağa belə ehtiyac qalmazdı", - deyə o bildirib.
Amerikanın seçilmiş liderinin sözlərinə görə, 63 yaşlı dördqat Stenli Kubokunun qalibi və NHL rekordçusu onun ideyası ilə maraqlanmayıb.