Bakı. Trend:
ABŞ-nin Nyu-York şəhərinin mərkəzində taksinin piyada izdihamının üzərinə düşməsi nəticəsində 6 nəfər xəsarət alıb.
Trend-in məlumatına görə, bu barədə "Fox News" televiziya kanalı xəbər verib.
Məlumata əsasən, hadisə dekabrın 25-də protestantların və katoliklərin qeyd etdiyi Milad bayramı ərəfəsində yerli vaxtla saat 16:00 radələrində Manhettenin mərkəzindəki Herald meydanında baş verib.
Altı nəfər müxtəlif dərəcəli bədən xəsarətləri ilə xəstəxanaya yerləşdirilib. Hadisənin səbəbləri barədə hələlik məlumat verilməyib.