Bakı. Trend:
Norveçin şimal bölgəsində turistləri daşıyan avtobus Hadseldə Osvatnet gölünə düşüb. Hadisə nəticəsində 3 nəfər həyatını itirib.
Trend-in məlumatına görə, bu barədə "The Sun" yerli polisə istinadən xəbər verib. İlkin məlumata əsasən, avtobusda əksəriyyəti əcnəbilər olmaqla 58 nəfər olub.
Qar yağışı və güclü külək şəraitində avtobus günün ortasında yoldan çıxaraq qismən su altında qalan gölə düşüb. Hadisə yerində olanların hamısı kabinədən çıxarılıb və yaxınlıqdakı məktəbə yerləşdirilib. Daha 4 nəfər isə ağır yaralanıb.