Bakı. Trend:
Boliviya hökuməti son aylarda 50-dən çox insanın ölümünə səbəb olan yağışların gətirdiyi daşqınlar səbəbindən fövqəladə vəziyyət rejimi elan edib.
Trend ölkənim yerli KİV-lərinə istinadən xəbərinə görə, bu barədə ölkə Prezidenti Luis Arse hökumət üzvlərinin iştirakı ilə keçirilən mətbuat konfransında məlumat verib.
Arsenin sözlərinə görə, 209 bələdiyyə güclü yağışlardan zərər görüb.
"Təbii fəlakət bizi ölkədə fövqəladə vəziyyət elan etməyə məcbur edir. Bu gün biz müvafiq fərman dərc etdik ki, bu da dəymiş ziyanla mübarizədə iştirak edən bütün şəxslərin işini sürətləndirəcək", - deyə o qeyd edib