Bakı. Trend:
İsrailin baş naziri Binyamin Netanyahu Fransanın dövlət başçısına xəbərdarlıq edib. O, Emmanuel Makrona bildirib ki, ölkəsi Fələstini dövlət kimi tanısa, bu “HƏMAS və İranın qələbəsi” olacaq.
Trend “Politico”ya istinadən xəbər verib ki, liderlər arasında bu barədə telefon danışığı olub.
Netanyahunun sözlərinə görə, İsrail şəhərlərindən bir neçə dəqiqəlik məsafədə yaradılacaq Fələstin dövləti İranın terror üçün platsdarmına çevriləcək.
Bundan əvvəl Fransa prezidenti Emmanuel Makron Fransanın yaxın aylar ərzində Fələstinin dövlətçiliyini tanımasının mümkünlüyünü nəzərdən keçirdiyini bəyan etmişdi.