Bakı. Trend:
Fransada taksi sürücüləri sentyabrın 5-dən ölkə üzrə genişmiqyaslı etiraz aksiyalarına başlayacaqlar.
Trend xəbər verir ki, bu barədə xarici KİV-lər məlumat yayıb.
Məlumata görə, bununla bağlı Fransada fəaliyyət göstərən taksi federasiyaları qərar verib. Etiraz aksiyaları səhiyyə nəqliyyatına tətbiq olunan yeni tariflərlə bağlıdır.
Eyni zamanda, taksi sürücüləri bütün bölgələrdə stansiya, liman, aeroport, yanacaq terminalları və xəstəxanaların ətrafında toplaşacaqlar.