Bakı. Trend:
Avropa Komissiyasının prezidenti Ursula fon der Leyen təhlükəsizlik və ticarət sazişləri üzrə danışıqlar aparmaq üçün fevral ayında Avstraliyaya səfər etməyi planlaşdırır.
Trend-in məlumatına görə, bu barədə "Politico" nəşri mənbələrə istinadən xəbər verib.
Məlumata əsasən, Kanberra ilə razılaşma Aİ-yə Avstraliyanın litium və mis kimi strateji minerallar bazarına daha geniş çıxış imkanı verəcək.
Əvvəlki ticarət danışıqları 2023-cü ilin sonunda mal və quzu əti kvotaları ilə bağlı fikir ayrılıqları səbəbindən pozulmuşdu. Qeyd olunur ki, Brüssel onları yeniləmək üçün addımlar atıb, lakin kvotalar hələ də müzakirə mərhələsindədir.