Bakı. Trend:
ABŞ 4-5 mart tarixlərində Kaliforniyadakı Vandenberq aviabazasından silahsız "Minuteman III" qitələrarası ballistik raketini sınaqdan keçirəcək.
Trend-in məlumatına görə, bu barədə ABŞ Hərbi Hava Qüvvələrinin Qlobal Hücum Komandanlığı xəbər verib.
Raketin buraxılışının müəyyən günlərdən birində, Bakı vaxtı ilə saat 11:01-dən 17:01-ə qədər olan vaxt pəncərəsi çərçivəsində baş tutması planlaşdırılır.
"Qlobal ballistik raketlərin sınaq buraxılış proqramının məqsədi silah sisteminin effektivliyini, hazırlığını və dəqiqliyini təsdiqləməkdir", - deyə bildirilib.
Qeyd olunub ki, sınaq planlaşdırılıb və bir neçə il əvvəl planlaşdırılıb.