Azərbaycan, Bakı, 4 may /Trend/
Çimərlik futbolu üzrə FIFA referisi İnqilab Məmmədov Bakı-2015 Birinci Avropa Oyunlarına təyinat alıb. Bu barədə Trend AFFA-ya istinadən məlumat verir.
Xatırladaq ki, Bakı-2015 I Avropa Oyunlarında digər idman növləri ilə yanaşı, 8 komandanın iştirakı ilə çimərlik futbolu üzrə yarışlar da keçiriləcək.
A qrupunda Azərbaycan, Portuqaliya, İsveçrə və Ukrayna, B qrupunda isə Rusiya, İtaliya, İspaniya və Macarıstan milli komandaları mübarizə aparacaqlar.