Azərbaycan, Bakı, 12 iyun /Trend, müxbir Elmira Tarıverdiyeva/
Bakıda keçiriləcək I Avropa Oyunları ərəfəsində bir çox mətbuat orqanları yarışlarda iştirak edəcək idmançılarla bağlı növbəti yalan məlumatı yayıb.
KİV-də yayılan yalan məlumata əsasən, Bakıda Rusiya və Ukrayna milli komandasının idmançıları arasında dava baş verib.
Trend-in TASS agentliyinə istinadən verdiyi məlumatda deyilir ki, artıq axşam bu xəbər Rusiya nümayəndə heyətinin rəhbəri İqor Kazikov tərəfindən rəsmi şəkildə təkzib edilib: "Belə bir hadisə baş verməyib".