Azərbaycan, Bakı, 13 iyun /Trend/
Bakıda I Avropa Oyunları çərçivəsində yarışların ikinci günü başlayır.
Bu gün dağ velosipedi, yunan-roma güləşi, karate, sinxron üzgüçülük, stolüstü tennis, su polosu, triatlon və voleybol üzrə yarışlar keçiriləcək.
İkinci gün 13 dəst medal - 3-ü - kişilər arasında karate, 3-ü - qadınlar arasında karate, 4-ü - kişilər arasında yunan-roma güləşi, 1-i - qadınlar arasında dağ velosipedi, 1-i - kişilər arasında dağ velosipedi və 1-i - qadınlar arasında triatlon yarışları üzrə oynanılacaq.
Azərbaycanlı idmançılar gün ərzində baş tutacaq bütün oyunlarda iştirak edəcək.