Bakı. Orxan Nəbiyev - Trend:
Məşhur sovet rejissoru Vladimir Menşov vəfat edib.
Trend-in məlumatına görə, bu barədə "Mosfilm" studiyası bildirib.
Rejissorun 82 yaşında koronavirusun fəsadları nəticəsində həyatını dəyişdiyi deyilir.
Qeyd edək ki, V.Menşov "Moskva göz yaşlarına inanmır", "Sevgi və göyərçinlər" kimi filmlərin müəllifi olub. "Moskva göz yaşlarına inanmır" filmi 1981-ci ildə "Ən yaxşı xarici film" kateqoriyasında "Oskar" mükafatına layiq görülüb.
Vladimir Menşov 1939-cu il sentyabrın 17-də Bakıda anadan olub.