Azərbaycan, Bakı, 2 noyabr /Trend, müxbir Ənvər Məmmədov/
Azərbaycanda parlament seçkiləri sakit şəraitdə, fəal, demokratik və şəffaf keçirildi. Trend-in məlumatına görə, bunu jurnalistlərə Rumıniya parlamentindən müşahidə missiyasının rəhbəri Adrian Miroslav Merka deyib.
Onun sözlərinə görə, hətta Avropa üçün nümunə ola biləcək innovasiyalar müşahidə edilib: "Məsələn, gözdən əlillərin səs verməsi üçün xüsusi əlifba üzrə şərait yaradıldı".
Rumıniya parlamentinin üzvü Liliana Çiobanu isə bildirib ki, nümayəndə heyətinin üzvləri Bakıya ilk dəfə gəlirlər: "Seçkilər normal, demokratik şəraitdə, insidentsiz keçirildi".