...

12 saylı cəzaçəkmə müəssisəsində bir məhkum azadlığa buraxılıb (FOTO)

Gündəm Materials 28 May 2022 10:21
12 saylı cəzaçəkmə müəssisəsində bir məhkum azadlığa buraxılıb (FOTO)

Trend-i buradan izləyin

Zaur Mustafayev
Zaur Mustafayev
Bütün xəbərlər

Bakı. Trend:

Ədliyyə Nazirliyinin 12 saylı cəzaçəkmə müəssisəsində əfv sərəncamı 2 məhkuma şamil edilib.

Trend-in məlumatına görə, müəssisədə cəzaçəkən 1 nəfər azadlığa buraxılıb, 1 nəfərin isə cəzası yarıya qədər endirilib.

Qeyd edək ki, bu gün Prezident İlham Əliyev tərəfindən mayın 27-də imzalanan Əfv Sərəncamının icrasına başlanılıb.

Sərəncama əsasən, məhkum olunmuş bir sıra şəxslərin, onların ailə üzvlərinin, Azərbaycan Respublikasının İnsan hüquqları üzrə müvəkkilinin, insan hüquqlarının müdafiəsi təşkilatlarının Azərbaycan Prezidentinə ünvanlanmış əfv haqqında müraciətlərinə baxılaraq, məhkumların şəxsiyyəti, səhhəti, ailə vəziyyəti, törətdikləri cinayətlərin xarakteri və ictimai təhlükəlilik dərəcəsi, cəza çəkdikləri müddəti və həmin müddətdə davranışları nəzərə alınaraq, humanizm prinsipləri əsas götürülərək ümumilikdə 213 nəfər əfv edilib.

Belə ki, azadlıqdan məhrumetmə cəzasına məhkum olunmuş 168 nəfər cəzasının çəkilməmiş hissəsindən azad edilib, 36 nəfərin cəzasının çəkilməmiş hissəsi yarıyadək azaldılıb.

Eləcə də azadlıqdan məhrumetmə cəzasına şərti olaraq məhkum edilmiş 3 nəfər cəzadan azad ediliblər.

Həmçinin azadlığın məhdudlaşdırılması cəzasına məhkum edilmiş 6 nəfər cəzalarının çəkilməmiş hissəsindən azad olunublar.

Məqalədə:
Xəbər lenti

Xəbər lenti