Azərbaycan, Bakı, 3 noyabr /Trend, müxbir K.Zərbalıyeva/
Bakıda yaşayış evində baş verən partlayış zamanı bir ailənin 5 üzvü yaralanıb.
Suraxanı rayon Polis İdarəsindən çərşənbə günü Trend-ə verilən məlumata görə, ötən gecə rayonun Hövsan qəsəbəsi Şabanov küçəsi ev 1/18 ünvanında 3 otaqlı evdə baş verən partlayış nəticəsində ev sahibi Ceyhun Hacıyev, həyat yoldaşı, iki qızı və bir oğlu ağır yanıq xəsarətləri ilə xəstəxanaya yerləşdiriliblər.
Partlayışa qaz sızmasının səbəb olduğu bildirilir.
5 saylı Kliniki Xəstəxananın yanıq şöbəsindən Trend-ə bildirilib ki, ailənin 3 üzvü - ana və iki uşağı reanimasiya şöbəsinə yerləşdiriliblər, vəziyyətləri ağırdır.
Faktla bağlı araşdırma aparılır.