Azərbaycan, Bakı, 8 oktyabr /Trend, müxbir K.Zərbalıyeva/
Fövqəladə Hallar Nazirliyi dünən gecə Qobu qəsəbəsində iki uşağın ölümü ilə nəticələnən yanğın hadisəsi ilə bağlı məlumat yayıb.
Trend-in şənbə günü FHN-nin rəsmi saytına istinadən yaydığı məlumata görə, Abşeron rayonu, Qobu qəsəbəsində vətəndaşa məxsus ümumi sahəsi 60 kv.m olan birmərtəbəli, 2 otaqlı evin yanar konstruksiyaları və əşyaları yanıb.
Hadisə yerinə cəlb olunmuş yanğınsöndürənlər tərəfindən yaxınlıqdakı tikililər yanğından mühafizə olunub, yanğın saat 23:09-da söndürülüb. Yanğın yerinin kəşfiyyatı zamanı ev sahibinin övladları - 2000-ci il təvəllüdlü Sultanov Əhməd Vasif oğlu və 2002-ci il təvəllüdlü Sultanov Rüfət Vasif oğlunun cəsədləri aşkarlanıb.
Qeyd olunan şəxslərin cəsədləri yanğınsöndürənlər tərəfindən aidiyyəti üzrə təhvil verilib.
Hadisə ilə əlaqədar araşdırma aparılır.
FHN iki uşağın ölümü ilə nəticələnən yanğın hadisəsi ilə bağlı məlumat yayıb
Fövqəladə Hallar Nazirliyi dünən gecə Qobu qəsəbəsində iki azyaşlı uşağın ölümü ilə nəticələnən yanğın hadisəsi ilə bağlı məlumat yayıb
