Azərbaycan, Bakı, 12 yanvar /Trend müxbir K.Zərbalıyeva/
Bakıda neft borusunda qəza olub.
Trend-in cümə axşamı Fövqəladə Hallar Nazirliyinin rəsmi saytına istinadən verdiyi məlumata görə, Sabunçu rayonunda mədən ərazisində neftyığma məntəqəsinə keçən diametri 200 mm olan neft boru kəmərinin deşilməsi nəticəsində xam neft 50 kv.m sahəyə dağılıb.
Yanğın hadisəsi olmayıb.
Qəza neft şirkətinin işçiləri tərəfindən aradan qaldırılıb, ətrafa dağılmış neftin üstü torpaqla örtülüb.
Qəzanın nəticələri aradan qaldırılana qədər yanğısöndürənlər hadisə yerində növbə çəkiblər.
Hadisə ilə əlaqədar müvafiq qurumlar tərəfindən təhqiqat aparılır.