Azərbaycan, Bakı, 10 may / Trend müxbir K.Zərbalıyeva/
Bakı şəhər sakinindən saxta əskinazlar aşkarlanıb.
Trend-in Daxili İşlər Nazirliyinin rəsmi saytına istinadən verdiyi məlumata görə, mayın 9-da Salyan şəhəri ərazisində, şəhər sakini Namiq Tağıyevə məxsus mağazaya gəlmiş naməlum şəxs saxta 10 manatlıq əskinaz verərək danışıq kartı alıb.
Salyan rayon polis şöbəsinin əməkdaşlarının həyata keçirdikləri əməliyyat-axtarış tədbirləri nəticəsində həmin şəxs saxlanılıb və onun Bakı şəhər sakini Nəcməddin Mehdiyev olması müəyyən edilib.
Mehdiyevin üzərinə baxış zamanı 1 ədəd 100 manatlıq və 6 ədəd 10 manatlıq saxta əskinazlar, habelə təxminən 1 qram heroin aşkar edilərək götürülüb.